cankam --- Qmullai

Qmullai001 nan2am talai ulakam vaLaI nEmiyoTu
Qmullai002 valampuri poRitta mA tAgku taTam kai
Qmullai003 nIr cela nimirnta mAal pOla
Qmullai004 pATu imiz pan2i kaTal paruki valan2 Erpu
Qmullai005 kOTu koNTu ezunta koTu celavu ezili
Qmullai006 peru peyal pozinta ciRu pun2 mAlai
Qmullai007 aru kaTi mUtUr marugkil pOki
Qmullai008 yAz icai in2am vaNTu Arppa nelloTu
Qmullai009 nAzi koNTa naRu vI mullai
Qmullai010 arumpu aviz alari tUuy kaitozutu
Qmullai011 peru mutu peNTir viricci niRpa
Qmullai012 ciRu tAmpu toTutta pacalai kan2Rin2
Qmullai013 uRu tuyar alamaral nOkki Ay makaL
Qmullai014 naTugku cuval acaitta kaiyaL kaiya
Qmullai015 koTu kOl kOvalar pin2 nin2Ru uyttara
Qmullai016 in2n2E varukuvar tAyar en2pOL
Qmullai017 nan2n2ar nal mozi kETTan2am atan2Al
Qmullai018 nalla nallOr vAyppuL tevvar
Qmullai019 mun2ai kavarntu koNTa tiRaiyar vin2ai muTittu
Qmullai020 varutal talaivar vAyvatu nI nin2
Qmullai021 paruvaral evvam kaLai mAyOy en2a
Qmullai022 kATTa um kATTa um kANAL kaluz ciRantu
Qmullai023 pU pOl uN kaN pulampu muttu uRaippa
Qmullai024 kAn2 yARu tazIiya akal neTu puRavil
Qmullai025 cEN nARu piTavamoTu pai putal erukki
Qmullai026 vETTu puzai aruppam mATTi kATTa
Qmullai027 iTu muL puricai EmuRa vaLaI
Qmullai028 paTu nIr puNariyin2 paranta pATi
Qmullai029 uvalai kUrai ozukiya teruvil
Qmullai030 kavalai muRRam kAval nin2Ra
Qmullai031 tEm paTu kavuLa ciRu kaN yAn2ai
Qmullai032 Ogku nilai karumpoTu katir miTaintu yAtta
Qmullai033 vayal viLai in2 kuLaku uNNAtu nutal tuTaittu
Qmullai034 ayil nun2ai maruppin2 tam kai iTai koNTen2a
Qmullai035 kavai muL karuviyin2 vaTamozi payiRRi
Qmullai036 kallA iLaijnar kavaLam kaippa
Qmullai037 kal tOyttu uTutta paTiva pArppAn2
Qmullai038 mukkOl acainilai kaTuppa nal pOr
Qmullai039 OTA val vil tUNi nARRi
Qmullai040 kUTam kutti kayiRu vAgku irukkai
Qmullai041 pU talai kuntam kutti kiTuku niraittu
Qmullai042 vAgku vil araNam araNam Aka
Qmullai043 vERu pal peru paTai nAppaN vERu Or
Qmullai044 neTu kAz kaNTam kOli akam nErpu
Qmullai045 kuRu toTi mun2kai kUntal am ciRupuRattu
Qmullai046 iravu pakal ceyyum tiN piTi oL vAL
Qmullai047 viravu vari kaccin2 pUNTa magkaiyar
Qmullai048 ney umiz curaiyar neTu tiri koLIi
Qmullai049 kai amai viLakkam nantutoRum mATTa
Qmullai050 neTu nA oL maNi nizattiya naTunAL
Qmullai051 atiral pUtta ATu koTi paTAar
Qmullai052 citar varal acai vaLikku acaivantAgku
Qmullai053 tukil muTittu pOrtta tUgkal Ogku naTai
Qmullai054 peru mUtALar Emam cUza
Qmullai055 pozutu aLantu aRiyum poyyA mAkkaL
Qmullai056 tozutu kANkaiyar tOn2Ra vAztti
Qmullai057 eRi nIr vaiyakam velIiya celvOy nin2
Qmullai058 kuRu nIr kan2n2al in2aittu en2Ru icaippa
Qmullai059 mattikai vaLaIya maRintu vIgku ceRivu uTai
Qmullai060 meyppai pukka veru varum tORRattu
Qmullai061 vali puNar yAkkai van2kaN yavan2ar
Qmullai062 puli toTar viTTa pun2ai mAN nal il
Qmullai063 tiru maNi viLakkam kATTi tiN jnAN
Qmullai064 ezin2i vAgkiya Ir aRai paLLi uL
Qmullai065 uTampin2 uraikkum uraiyA nAvin2
Qmullai066 paTam puku milEccar uzaiyar Aka
Qmullai067 maNTu amar nacaiyoTu kaNpaTai peRAatu
Qmullai068 eTuttu eRi eHkam pAytalin2 puN kUrntu
Qmullai069 piTi kaNam maRanta vEzam vEzattu
Qmullai070 pAmpu pataippan2n2a parUu kai tumiya
Qmullai071 tEm pAy kaNNi nal valam tirutti
Qmullai072 cORu vAyttu ozintOr uLLi um tOl tumipu
Qmullai073 vai nun2ai pakazi mUzkalin2 cevi cAyttu
Qmullai074 uNNAtu uyagkum mA cintittu um
Qmullai075 oru kai paLLi oRRi oru kai
Qmullai076 muTiyoTu kaTakam cErtti neTitu nin2aintu
Qmullai077 pakaivar cuTTiya paTai koL nOn2 viral
Qmullai078 nakai tAz kaNNi nal valam tirutti
Qmullai079 aracu iruntu pan2ikkum muracu muzagku pAcaRai
Qmullai080 in2 tuyil vatiyunan2 kANAL tuyar uzantu
Qmullai081 nejncu ARRuppaTutta niRai tapu pulampoTu
Qmullai082 nITu nin2aintu tERRi um OTu vaLai tirutti um
Qmullai083 maiyal koNTu um oyyen2a uyirttu um
Qmullai084 E uRu majnjnaiyin2 naTugki izai nekizntu
Qmullai085 pAvai viLakkil parUu cuTar azala
Qmullai086 iTam ciRantu uyariya ezu nilai mATattu
Qmullai087 muTagku iRai coritarum mA tiraL aruvi
Qmullai088 in2 pal imiz icai Orppan2aL kiTantOL
Qmullai089 am cevi niRaiya Alin2a ven2Ru piRar
Qmullai090 vENTu pulam kavarnta INTu peru tAn2aiyoTu
Qmullai091 vicayam vel koTi uyari valan2 Erpu
Qmullai092 vayir um vaLai um Arppa ayira
Qmullai093 ceRi ilai kAyA ajncan2am malara
Qmullai094 muRi iNar kon2Rai nal pon2 kAla
Qmullai095 kOTal kuvi mukai agkai aviza
Qmullai096 tOTu Ar tOn2Ri kuruti pUppa
Qmullai097 kAn2am nantiya ce nilam peru vazi
Qmullai098 vAn2am vAytta vAgku katir varakin2
Qmullai099 tiri maruppu iralaiyoTu maTam mAn2 ukaLa
Qmullai100 etir cel veL mazai poziyum tigkaLil
Qmullai101 mutir kAy vaLLi am kATu piRakku oziya
Qmullai102 tun2ai pari turakkum celavin2ar
Qmullai103 vin2ai viLagku neTu tEr pUNTa mA E